InvitationNë një udhëtim drejt zemrës së Zadrimës!
Zadrima në dritën e krijimtarisë dhe artit: Promovimi i trashëgimisë dhe krijimtarisë përmes Ndre Mjedës
24 maj 2025 | 11:00 – 13:30
Kompleksi Muzeor Ndre Mjeda, Kukël
Në vetë vendin ku Ndre Mjeda jetoi për shumë vite — aty ku morën formë vargjet që sot janë pjesë e identitetit tonë kulturor, ku ai studioi gjuhën shqipe dhe ndihmoi komunitetin e tij me zemër të hapur, qoftë përmes fjalës së shkruar apo punës bujqësore — ju ftojmë të bashkoheni me ne në një ngjarje që nderon trashëgiminë e tij dhe pasurinë kulturore të Zadrimës.
Pikat kryesore të programit:
- Ermir Nika – “Poetika si një realitet paralel në botëkuptimin e Ndre Mjedës”
- Studiuesi Gjon Marku – “Jeta përmes prizmit të veprës së Ndre Mjedës”
- Interpretim poezish nga Selma Bakalli dhe Vladimir Doda
Ky projekt mbështetet nga Ministria e Ekonomisë, Kulturës dhe Inovacionit.
Kjo veprimtari është një vazhdimësi e nismës “Ruajtja e trashëgimisë së Mjedës: forcimi i komunitetit përmes kulturës dhe zejtarisë”, e cila synon të mbrojë dhe të promovojë trashëgiminë kulturore të Ndre Mjedës përmes angazhimit aktiv të komunitetit dhe mbështetjes së zejtarive tradicionale.