Projekti “Circus as a Way of Life” u zhvillua brenda Kornizës së Bashkëpunimit Kulturor 2007-2013 të Komisionit Evropian, i cili synon të mbështesë projekte dhe iniciativa kulturore të përbashkëta nga të paktën tre operatorë kulturorë nga tre vende të përfshira. Projekti përfshinte veprime që eksplorojnë mënyra të bashkëpunimit afatgjatë, duke organizuar 4 performanca bamirësie nga grupe lokale (në Shqipëri, Kroaci dhe Serbi) për të motivuar fëmijët e rrugës dhe të rinjtë talente të ndjekin rrugën e cirkut.
Roli i Art Kontakt:
- Animimi i fëmijëve të rrugës në Shqipëri dhe mbledhja e tyre për të marrë pjesë në punëtoritë e cirkut.
- Koordinimi i përgjithshëm dhe realizimi i aktiviteteve në Shqipëri.
- Mbështetja e aktorëve lokalë për të marrë pjesë aktive në të gjitha fazat dhe aktivitetet e projektit.
- Koordinimi me partnerët e tjerë për implementimin e strategjive dhe ideve të projektit, duke krijuar ndryshime pozitive (përfshirë ligjore) në temat që lidhen me objektivat e projektit.
Punëtoritë:
U drejtuan nga kompania franceze e teatrit Capillotractée Cie (http://www.capillotractee.fr/), e përbërë nga profesionistë të cirkut bashkëkohor dhe teatrit rrugor nga Europa Perëndimore. U organizuan trajnim për akrobaci, jonglim, kërcim, pantomimë dhe klasa aktorësh për të rinjtë lokalë në çdo vend partner.
Punëtoria në Shqipëri:
- Zgjati dhjetë ditë në Qendrën Don Bosko.
- Pjesëmarrës ishin 17 fëmijë të rrugës nga komuniteti rom dhe studentë të moshës 15-18 vjeç.
Kampe verore të cirkut:
- 20 pjesëmarrësit më të mirë nga punëtoritë e Shqipërisë, Serbisë, Kroacisë dhe Kosovës u bashkuan në një kamp veror.
- Qëllimi ishte të krijohej një shfaqje e re cirku ku çdo artist i ri kishte pjesën e tij.
- Trajnimi i këtij grupi për të formuar një grup profesional performues ishte një sfidë e madhe për mësuesit dhe trajnerët.
- Gjatë kampit u krijua një shfaqje cirku që përfshinte akrobaci, jonglim, pantomimë, kërcim modern dhe piroteknikë.
Partnerët:
- INBOX – Serbi
- TZGV – Kroaci
- Ghetto – Kosovë
- Helix – Greqi
